Лемківска книжочка з нагородом!

Наша "Лемківска книжочка" отримала ІІІ нагороду в 27. Перегляді Краєзнавчой і Туристичной Книжкы.

"Лемківска книжочка" авторства Полі Бялковской і Анны Рыдзанич, выдана през нашу Фундацию Стара Дорога, отримала ІІІ місце в катеґориі "Выдавництва для діти". Ведучий жырі, Януш Здебскі, звернул увагу на публикациі посвячены етнічным ґрупам, "аж і єдна книжка вказала ся двоязычні, тіж по лемківскы" - повіл. Думаме, же тоты слова то велькє выріжніня для того выданя. Авторам щыро ґратулюєме, чытачів заохочаме сягнути по "Лемківску книжочку" і презентуєме Вам коротку фотореляцию.