Писанкы малюванкы / Pisanki malowanki

На Великден iдеме до церкви з кошыками, жебы посвятити
ідло. До кошыків даєме яйця, сіль, масло, печену паску,
кобаску і інчы продукты. В кошыку обовязково мусят быти
яйця, котры сут символом жытя. Кольоровы яйця называме
писанками, прото же пишеме, малюєме по них воском,
жебы іх окрасити.

В давных часах нашы бабы робили тото шпильком,
котру мачали в воску, пак накладали го на шкаруплину.
Крисками і кропками творили ріжны взоры, писали тіж
«Христос Воскрес».

Колиси не купували фарб в склепі, але варили ріжного
рода рослины і в такій воді фарбували яйця. Рiжны барвы
походили з рiжных рослин, напримiр:
бронзова – лупыны цибулі, жолта – кора яблінкы,
червена – бурак, зелена – молоде жыто, синя – ягоды
хабзины.

Дарувана писанка была ознаком благоприятливости
і любови. Може Ты тіж створиш свій взір і подаруєш
дакому кольорове яйце?

Писанкы до выдрукуваня і помалюваня: